العمل كفريق "موضوع بالدارجة المغربية"
كلنا كانظنو أن العمل كفريق مسألة جد سهلة و كانغفلو بعض المعطيات اللي خاصها تكون ضروري و اللي كاتشكل واحدة من الدعامات الأساسية للفريق ، لكن هي في حد ذاتها من كثرت السهولة ديالها كاتصعاب،حيتاش مايمكنش يكون فريق عمل ناجح دون دعامات ، هاد الدعامات اللي ذكرت هي:
¤الثقة : خاص يكونو أعضاء الفريق كايثيقو فبعضهم و في القائد
¤الإنسجام : خاص يكونو أهضاء الفروق منساجمين و يكون خاطيهم النزاعات الثنائية
¤الإلتزام : خاص كل عضو من أعضاء الفريق يلتزم بالمهمة اللي عندو
¤تحمل المسؤولية : كل عضو في الفريق خاصو يتحمل المسؤولية ديالو سوا في النجاح أو الفشل ديال المشروع
¤نجاح الفريق : هو نجاح الأعضاء في المهام ديالهم
و هاد الفريق الناجح كايكونو فيه 4 د الناس أساسيين اللي هوما :
¤المفكر: صاحب الأفكار و المبادرة
¤العالم : هو اللي كايكون عارف بزاف ديال المعلومات و كايبارطاجيها مع الأعضاء اللي معاه في الفريق
¤المعلم : هو الشخص اللي عندو الموهبة في شرح المسائل اللي كاتعلق بالعمل
¤الكبير : ماشي بالضرورة يكون هو القائد ولكن هو الشخص اللي كايعرف يتعامل مع أعضاء الفريق و كايزرع فيهم روح العمل و المثابرة
هادشي كامل اللي قلت لحد الآن ماكينفيش وجود فريق فاشل ، بالعكس كاينين فرق فاشلة و اللي كاجعلها فاشلة هو وجود 8 د الناس فيها ، هاد 8 د الناس هوما :
¤المغرور : هو اللي كايشوف راسو أنه هو كلشي في الفريق و حتى واحد ما حسن منو
¤الهدام : هو اللي كايشوف الناس بعين أنهم فاشلين و كايحاول يحطمهم بلسانو الطويل
¤الكاره : هو اللي كايكون مخاصم مع شي واحد أولا كثر في الفريق
¤الجبان : هو اللي كايكون عزيز عليه الروتين و ماكيبغيش يتغير خوفا أن التغيير ديالو يكون سلبي
¤الكسول : هو اللي ماكيبغي يدير والو
¤المحبط : هو اللي كايحس أن هاد العمل ماكيليقش بيه و ديما كايتشكا و "نصيحة مني أنكم تحاولو تبعدو على المحبط حيتاش كايعادي"
¤المتنصل : هو اللي فاش كايفشل المشروه كايرجع المسؤولية للفريق و كايتنصل منها هو و كايشوف راسو هو ديما ناجح
¤المميز الفاسد : هو اللي كاتكون عندو مهارة في العمل ولكن كايكون فاسد و كاينشر الفساد ديالو في الفريق كامل .
آخر لكلام ، بما أنك قريتي هادشي بغيتك تصارح نفسك و تشوف راسك واش قادر تكون عضو فشي فريق ، و إيلا كنتي هاكاك عرف إينا فريق نتا منو و حاول أنك تصلح نفسك
0 التعليقات:
إرسال تعليق